Debit and Credit And their history in accounting - المدين والدائن

تعرف المدين والدائن ؟ 

طب تعرف الفرق بينهم ، طب ليه الدائن دائن وليه المدين مدين ؟ 

اساله كتيره ممكن تيجي فى بالك زى مين اول اللى سماهم بالاسم ده اصلا !! 

انا جايبلك ده لحد عندك وبالمصادر كمان ♥️

...

بسم الله الرحمن الرحيم 

فى الاول تعالى نعرف مين ممكن يكون دائن او مدين او Debit 

.. Dr  او Credit .. Cr 

ببساطه ممكن يكون الدائن او المدين شخص او شخص اعتبارى .. طيب يعنى ايه شخص اعتبارى ؟  شخص اعتبارى يعنى شركه ليها اسم وليها عنوان وليها كيانها الخاص بيها ومنفصله تمام عن منشىء هذه الشركه او المؤسسه  وكمان ممكن يكون قطاع زي قطاع الاعمال او قطاع الحكومه او ممكن تكون الحكومه نفسها 

طيب بعد معرفنا مين ممكن يكون دائن او مدين ..

 تعالو نعرف ازاى نحدد ده ويعنى ايه دائن ويعنى ايه مدين ؟ 

ببساطه قبل منحدد يعنى ايه دائن ويعنى ايه مدين .. فى كلمات دارجه فى اللغه العربيه ممكن توضحلى يعنى ايه مدين .. تيجي تسال شخص معين تسالو تقولو معاك مبلغ كذا ؟ يقولك منين ؟! دا انا مديون لطوب الارض من هنا ممكن نستنتج حاجه لطيفه تفكرني دايما ان المدين (المديون ) هو شخص مطالب بدفع او باعادة الاموال الى صاحبها وبالتالى .. الدائن ... هو الشخص اللى هياخد المبلغ اللى هوا اقرضه للناس او الشركه او ايا كان .. يبقا المدين مطالب برد المبلغ المقترض .. والدائن هو الشخص اللى يسترد ماله من الغير اللى اقرضه .. وبكده تكون وضحت ليه سمينا مدين وليه سمينا دائن .. 

 1- المصدر ..

https://ar.m.wikipedia.org/wiki/%D8%AF%D8%A7%D8%A6%D9%86

اعرفك بقا مين اول من اتكلم فى المدين والدائن والنشاه التاريخيه لموضوع القيد المزدوج ..

مصطلح الدائن والمدين فى الاساس ذات جذور لاتينيه فى الاصل
كلمة مدين تيجي من كلمة Debitum يعنى ما هو مستحق والدائن تاتى من مصطلح Creditum يعنى الائتمان ... الائتمان بمعنى شىء مؤتمن عليه لاخر حاجه زي القرض كدا  مثلا .

يمكن تصنيف الحسابات المدينه Dr  ونلخصها فى كلمه واحده زى DEAD
D .. Debit مدين
E.. Expenses المصروفات
A.. assets الاصول
D.. Drawings المسحوبات
وممكن نختصر الحسابات كمبدئيا فى الحسابات الدائنه Credit  فى كلمة CCLR
C.. Credit الدائن
C.. Capital راس المال
L.. Liabilities الالتزامات
R.. Revenue الايرادات

https://www.investopedia.com/ask/answers/04/072304.asp 

طب ليه الاختصارات هيا Dr  او Cr  ليه مش Db او Cr
النظريات الموجوده كتير لكن  احدي النظريات قالت ان ال R اختصار لكلمة Record اى تسجيل الدائن وتسجيل المدين Dr and Cr

والبعض يعتقد ان Dr اختصار Debit مش اى حاجه تانيه
و Cr  اختصار Credit .

تاريخ المدين والدائن   history of Dr and Cr 

فى القرن الخامس عشر تم استخدام هذه المصطلحات فى ايطاليا واللى كان بيستخدمها تجار السلاح فى ايطاليا ..  على الرغم من انو كان تم استخدامه على نطاق واسع منهم الا ان عالم الرياضيات Luca pacioli
العالم لوكا  وثق هذا النظام ونشره فى كتاب فى عام ١٤٩٤ ومن اوائل الكتابات اللى نشرها Gutenberg جوتنبرج فى مطبعته المبتكره .. لوكا يلقب بوالد المحاسبه لانه هو اول من اصدر كتاب فى علم المحاسبه ويتم الان التعامل مع هذا النظام حسب اسم نظام القيد المزدوج لانه مكون من طرفين ويتم تطوير هذا النظام على مدار ٥٠٠ عام حتى الان ومازال التطوير فيه مستمر حتى الان .

تم كتابة الكتاب باللغه العاميه اللاتينيه للعالم لوكا واستخدم المصطلحات اللاتينيه في هذا الكتاب

https://www.basicaccountingconcepts.education/the-history-and-definition-of-debits-and-credits-in-accounting/

 دي كانت اول مقاله ليا اتمنى تكون عجبتكم اتمنى تكون قرات للاخر وبتقرا دي دلوقتى وان شاء الله اشوفكم على خير فى موضوع تانى لو محتاج تسال عن اى حاجه انا مستنيك فى التعليقات على المقاله

This Subject..
Written By Raed Mohamed
I hope u find it interesting and you can see here many subject also next days  i hope you interesting all
Thank You For Your  Time ♥️